◄◄Sivuston alkuun
◄Karjalankielisiä pakinoita
Buabo soitteloo sugulazel
-Terveh Leevi, Niina tiä, midäbö sinulles sinne kuuluu?
-Minä olen läzinnyh kaiken aigua, väzyttää, on senkkua da syöbiä, on kaikenluadustu kulumua da kolotustu.
-Mugako sinulgi! Pagize kovenbua, minus on tulluh kuurislukoi. Kohta tuloo lähtö tuonilmazih, en hätkie elä. Tuula-tyttärel jo sanoin čto tämä on viimine kezä, olenhai elännyh jo yli 80 vuottu, jouvan jo iäres.
-Midä, käitkö sinägi Loridas? Minä olin sie viime talvennu kolme nedälii. Ei sie ni midä katzelemistu olluh. Duumaizin čto se taizi olla viimine kerdu sie käyvä.
-Tossu kezän käimmö autobussil Salmis. Syndymäkois Karkus vierahat elettih, ylen huonosti oli pietty taluo, kai oli murendeltu. Tuatto stroji uuven talon enne lähtyö. Tämä taizi olla viimine kerdu käyvä Salmis.
-Tänä kezänny olin Valassin pruasniekas Pielaveil. Suovattannu olin arhipiskopun tsasounas Taibalehen kyläs. Vigilias oli ylen äijy rahvastu, sinun vellesgi oli sie.
-Nygöi olen duumainnuh lähtie Kanarial sygyzyl. Jenguahäi sih vai kuluu, kaikenluadustu pidää ostua, uuzii sobii, hotelit ollah kallehet dai lentomatkat. Voin tämängi vie peruuttua, katčo gu täs iäs ni midä ei voi pluanuija edukädeh, pidäy vai eliä Luojan suojelukses päivy kerrallah.
-Midä, sinägö olet menos Ruotzih kardanolomal rastavua viettämäh? Varua minulgi paikku, jouvanhäi lähtie. Eihäi ni mi ole varmu, ei tiijä konzu suoni piäs katkiou, lähtemizet on sit lähtietty.
-Minä olen tyttärel ozutannuh kai pankkikirjat dai talon paberit kuz ollah, kuolinsovatki olla valmehennu. Voibihäi se lähtö tulla raviezehgi. Varua se kartanomatku yhtelläh.
-Passib passibo, soittelemmo.
Esitetty Leevi Missin
70-vuotisjuhlilla Tikkakoskella 15.8.2009
Esittäjänä Niina Laukkanen os. Jenu